DİN-in Mətbuat Xidmətindən verilən məlumata görə,

• Oktyabrın 22-də və 23-də ölkə ərazisində qeydə alınan 91, əvvəlki dövrlərdən bağlı qalan 9 cinayətin açılması daxili işlər orqanlarının əməkdaşları tərəfindən təmin olunub.
• Axtarışda olduğuna görə ümumilikdə 31, o cümlədən borclu şəxs qismində axtarışda olan 18 nəfər saxlanılaraq aidiyyəti üzrə təhvil verilib.
• Respublikanın avtomobil yollarında ölümlə nəticələnən 11 yol-nəqliyyat hadisəsi baş verib, nəticədə 11 nəfər ölüb.
• Narkotiklərlə əlaqəli 46, qanunsuz saxlanılan silah-sursatın götürülməsi və aşkarlanması ilə bağlı 7 fakt müəyyən edilib.
• Cinayət törətməkdə şübhəli bilinən 68 nəfər saxlanılıb
• 
  Oktyabrın 22-də saat 5 radələrində Hacıqabul rayonunun Muğan qəsəbəsi ərazisində Göyçay şəhər sakini Elşən Əmiraslanov idarə etdiyi “Toyota” markalı avtomobili beton maneəyə vurub və nəticədə hadisə yerində ölüb.
• 
  Baş İstintaq və Təhqiqat İdarəsi tərəfindən araşdırma aparılır.Oktyabrın 22-də saat 6 radələrində Sumqayıt şəhərinin 18-ci mikrorayon ərazisində şəhər sakini P.Muradxanov idarə etdiyi “İveco” markalı avtobusla yolu keçən Validə Sultanovanı vurub və nəticədə piyada hadisə yerində ölüb.
• 
  Sumqayıt Şəhər Polis İdarəsində araşdırma aparılır. Oktyabrın 22-də saat 17 radələrində Daşkəsən rayonunun Xoşbulaq kəndi ərazisində kənd sakini Ramin Qurbanov idarə etdiyi “QAZ-66” markalı avtomobili dərəyə aşırıb və nəticədə hadisə yerində ölüb.
• 
  Daşkəsən Rayon Polis Şöbəsində araşdırma aparılır. Oktyabrın 22-də saat 20 radələrində Sabirabad şəhəri ərazisində Qalaqayın kənd sakini İ.Əmişov idarə etdiyi “VAZ-2107” markalı avtomobillə yolu keçən şəhər sakini Züleyxa Əliyevanı vurub. Nəticədə xəsarət alan piyada xəstəxanaya aparılarkən yolda ölüb.
• 
  Sabirabad Rayon Polis Şöbəsində araşdırma aparılır. Oktyabrın 22-də saat 23 radələrində Füzuli rayonunun 1 saylı Zobucuq qəsəbəsi ərazisində qəsəbə sakini İlqar Mahmudov idarə etdiyi “UAZ” markalı avtomobili aşırıb və nəticədə hadisə yerində ölüb.
• 
  Füzuli Rayon Polis Şöbəsində araşdırma aparılır. Oktyabrın 23-də saat 1 radələrində Qaradağ rayonunun Sahil qəsəbəsi ərazisində qəsəbə sakini Orxan Həsənov idarə etdiyi “Mercedes” markalı avtomobili aşırıb. Nəticədə xəstəxanaya yerləşdirilən sürücü orada ölüb.
• 
  Baş İstintaq və Təhqiqat İdarəsi tərəfindən araşdırma aparılır. Oktyabrın 23-də saat 4 radələrində Xətai rayonunun Y.Səfərov küçəsində Abşeron rayon sakini T.İmanov idarə etdiyi “Toyota” markalı avtomobillə yolu keçən 55-60 yaşlı kişini vurub və nəticədə piyada hadisə yerində ölüb.
• 
  Xətai Rayon Polis İdarəsində araşdırma aparılır. Oktyabrın 23-də saat 19 radələrində Quba rayonunun Xınalıq kəndi ərazisində rayon sakini Şıxbaba Hacıyev idarə etdiyi “VAZ-2106” markalı avtomobili dərəyə aşırıb və nəticədə sərnişini olan rayon sakini Rauf Lalayev hadisə yerində ölüb.
• 
  Quba Rayon Polis Şöbəsində araşdırma aparılır. Oktyabrın 23-də saat 19 radələrində Ağdaş rayonunun Bulaqotağı kəndi ərazisində rayon sakini X.Qocayev idarə etdiyi “VAZ-2103” markalı avtomobili yolun kənarında dayanmış R.Məbudova məxsus “QAZ-33021” markalı avtomobilə vurub. Nəticədə xəstəxanaya yerləşdirilən X.Qocayevin sərnişini Fariz Qarayev orada ölüb.
• 
  Ağdaş Rayon Polis Şöbəsində araşdırma aparılır. Oktyabrın 23-də saat 19 radələrində Kürdəmir rayonunun Karrar kəndi ərazisində Bakı şəhər sakini İ.Alızadə idarə etdiyi “Chevrolet” markalı avtomobillə yolu keçən piyadanı vurub və nəticədə həmin şəxs hadisə yerində ölüb.
• 
  Baş İstintaq və Təhqiqat İdarısi tərəfindən araşdırma aparılır.

Oktyabrın 23-də saat 23 radələrində Abşeron rayonunun Aşağı Güzdək qəsəbəsi ərazisində Bakı şəhər sakini F.Şərifov idarə etdiyi “Mercedes” markalı avtomobillə yolun kənarı ilə gedən Qobustan rayon sakini Kənan Ağayevi vurub və nəticədə piyada hadisə yerində ölüb.
Abşeron Rayon Polis İdarəsində araşdırma aparılır.

Şəmkir Rayon Polis Şöbəsinə oktyabrın 22-də saat 14 radələrində Seyfəli kəndindəki bir evin həyətindəki yardımçı təsərrüfatda rayon sakini Ruslan Bayramovun meyitinin tapılması barədə məlumat daxil olub.

Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib. Araşdırmalarla rayonun Çinarlı qəsəbə sakini, əvvəllər məhkum olunmuş Mustafa Eyubovun tüfəngdən açdığı atəşlə R.Bayramovu öldürməsinə əsaslı şübhələr müəyyən olunub.
Polis əməkdaşlarının keçirdikləri əməliyyat-axtarış tədbirləri nəticəsində M.Eyubov Sabunçu rayonunun Kürdəxanı qəsəbəsi ərazisində tutularaq istintaqa təhvil verilib.

Çinarlı qəsəbəsindəki evə baxış zamanı onun cinayəti törədərkən istifadə etdiyi R.Bayramova məxsus “TOZ-16” markalı ov tüfəngi və 29 ədəd patron aşkar olunaraq götürülüb.
Faktla bağlı cinayət işi başlanılıb.

Nizami RPİ 24-cü Polis Şöbəsi əməkdaşlarının keçirdikləri əməliyyat tədbiri nəticəsində Q.Qarayev prospektində yerləşən kafelərin birində oradakı işçinin mobil telefonunu oğurlamaqda şübhəli bilinən Ağdam rayon sakini, əvvəllər dəfələrlə məhkum olunmuş Bakir Nuriyev müəyyən olunaraq saxlanılıb. Şəxsi axtarış zamanı ondan heroin aşkar olunaraq götürülüb. Araşdırma aparılır.

BİZİMLƏ ƏLAQƏ SAXLAYIN

ŞAHİDİ OLDUGUNUZ HADİSƏLƏRİ AŞAGIDA QEYD OLUNAN ƏLAQƏ NÖMRƏMİZİN WhatsApp ÜNVANINA GÖNDƏRƏ BİLƏRSİNİZ

TEL : 051 777 82 09