BMT kaset bombalarının mülki şəxslər üçün təhlükəli olduğunu bəyan edib
“Kaset bombalarının mülki əhali üçün təhlükəli olması sübuta yetirilib”.
“Turanın səsi ” xəbər verir ki, bunu BMT-nin Ukrayna üzrə Humanitar Məsələlərin Əlaqələndirilməsi İdarəsinin (OCHA) sözçüsü Saviano Abreu bəyan edib.
“Onların mülki əhaliyə vurduğu zərər rəsmi olaraq təsdiqlənib”, – diplomat vurğulayıb.
Eyni zamanda Abreu xatırladıb ki, beynəlxalq hüquq ayrıseçkilik etmədən bütün silahlı zərbələri qadağan edir.
Kaset bombaları partlama zamanı bir-birindən ayrılan onlarla kiçik bombadan ibarətdir və qadağandır, çünki partlamamış bombalar döyüş əməliyyatları başa çatdıqdan sonra illərlə mülki əhali üçün risk yarada bilər.
Qeyd edək ki, 2010-cu ildə kasetli sursatlar haqqında konvensiya qüvvəyə minib. O, tərəflər və ya imzalayan 123 dövlətdə onların istifadəsini, istehsalını və yığılmasını qadağan edir.