Baydenin köməkçisi Ərdoğanın müşaviri ilə Rusiyadakı son hadisələri müzakirə edib

ABŞ Prezidentinin milli təhlükəsizlik məsələləri üzrə köməkçisi Ceyk Sallivan Türkiyə Prezidentinin baş müşaviri Akif Çağatay Kılıçla telefon danışığı zamanı Rusiyada “Vaqner” Özəl Hərbi Təşkilatının çevrilişə cəhdi, Ukraynada müharibə və İsveçin NATO-ya daxil olması ilə bağlı məsələləri müzakirə edib.

“Turanın səsi ” xəbər verir ki, bu barədə Ağ Evin mətbuat xidməti məlumat yayıb.

Bununla yanaşı, Qara Dəniz Taxıl Təşəbbüsünün iyulun 18-dən sonra uzadılması məsələsinə də toxunulub.

Həmçinin NATO-nun Vilnüsdə keçiriləcək sammitinə hazırlıq məsələləri ətrafında fikir mübadiləsi aparılıb.