Qətər İraq iqtisadiyyatına 5 milyard dollar sərmayə qoyacaq

Qətər yaxın illərdə İraq iqtisadiyyatına 5 milyard dollar sərmayə qoymağı planlaşdırır.

“turanın səsi ” xəbər xəbər verir ki, bu barədə Qətər Xəbər Agentliyi məlumat yayıb.

Qətər əmiri Şeyx Təmim bin Həməd Al Sani Bağdadda İraqın baş naziri Məhəmməd əl-Sudani ilə danışıqlar zamanı bir neçə il ərzində İraq iqtisadiyyatının müxtəlif sektorlarına 5 milyard dollar sərmayə yatırmaq niyyətində olduğunu bildirib.

Danışıqlarda iqtisadiyyat, ticarət, investisiya, enerji və nəqliyyat sahələrində ikitərəfli əməkdaşlığın perspektivləri müzakirə edilib.

Bundan əlavə, Qətərin investisiya holdinqi Estithmar İraqın Milli İnvestisiya İdarəsi ilə 7 milyard dollarlıq bir neçə müqavilə imzalayıb. Sazişlər respublikada sosial infrastrukturun bərpasını, daşınmaz əmlak və turizm bazarının inkişafını, həmçinin İraqın tibb müəssisələrinin Qətərin səhiyyə sisteminə inteqrasiyasını nəzərdə tutur.