Baş DYP İdarəsi yol hərəkəti təhlükəsizliyi ilə bağlı sosial layihələrə dəstək verir
“Nərdivançı” sosial müəllim layihəsi DİN-in Baş Dövlət Yol Polisi İdarəsinin dəstəyi ilə “Yol hərəkəti qaydalarını bilirəm!” adlı maarifləndirici videoçarx müsabiqəsi elan edib.
“Turanın səsi ” xəbər verir ki , Müsabiqənin məqsədi təhsilalanlara yol hərəkəti qaydaları ilə bağlı bilik və bacarıqların müasir metodlarla aşılanmasına və bu sahədə təhsilverənlərin layihə çərçivəsində ərsəyə gələcək videomateriallardan tədris vəsaiti kimi istifadə etmələrinə nail olmaqdır.
Hazırda ölkəmizdə həyata keçirilən müvafiq Dövlət Proqramının məqsədlərinə uyğun olaraq, yol hərəkəti təhlükəsizliyinin təbliğində vətəndaş cəmiyyəti institutlarına dəstək göstərilməsini fəaliyyətinin prioritet istiqaməti olduğunu qeyd edən DİN-in Baş Dövlət Yol Polisi İdarəsi təhsil ictimaiyyətini müsabiqədə fəal iştirak etməyə çağırır.
Müsabiqə ilə bağlı ətraflı məlumat “Nərdivançı” layihəsinin facebook səhifəsində verilib.
⤵️
” TURANIN SƏSİ “_ ARZU PAŞAQIZI