Mustafa Şentop: “Ermənistanın Laçın yolu ilə mina və hərbi texnika daşınması qətiyyən yolverilməzdir”
“Laçın yolu yalnız humanitar məqsədlər üçün istifadə olunmalıdır”.
“Turanın səsi ” xəbər verir ki, bunu Türkiyə Böyük Millət Məclisinin sədri Mustafa Şentop Ankara şəhərində işgüzar səfərdə olan Milli Məclisin sədri Sahibə Qafarova ilə görüşdə deyib.
M.Şentop həmçinin, Azərbaycan vətəndaş cəmiyyəti nümayəndələrinin Laçın-Xankəndi yolunda keçirdikləri dinc aksiyaya dəstəyini ifadə edib.
O bildirib ki, Ermənistanın Laçın yolundan minaların, hərbi texnikanın və silahların, habelə Azərbaycanın qanunsuz istismar edilmiş faydalı qazıntılarının daşınması üçün istifadə etməsi qətiyyən yolverilməzdir:
“Laçın yolundakı durumu yaxından izləyirik və bu mövzudakı həssas mövqeyinizə dəstəyimizi bütün platformalarda həmsöhbətlərimizin diqqətinə çatdırırıq. Bu günədək olduğu kimi, bundan sonra da Azərbaycanın ərazi bütövlüyü və suverenliyinə dəstəyimizi davam etdirəcəyik. Türkiyə Azərbaycanla Ermənistan arasında münasibətlərin normallaşmasını səylərini dəstəkləməyə davam edir”.
⤵️
” TURANIN SƏSİ “_ ARZU PAŞAQIZI