Milli İnsan Resursları Forumunun spikerləri bəlli oldu!
Mayın 6-da “Gələcəyə dəyər” şüarı ilə “Baku Marriott Hotel Boulevard”da 500 nəfərin iştirakı ilə baş tutacaq Milli İnsan Resursları Forumunun spikerləri məlum olub.
“Facemark”, “Business Management School” və “HR Option” MMC-lərin təşkilatçılığı, “ROOF Academic Training” şirkətinin baş sponsorluğu, “Consulta” İdarəetmə və Texnologiya Konsaltinq şirkətinin və “Alas Academy”nin panel sponsorluğu, “Başkent” restoranlar şəbəkəsinin dəstəyilə 500 nəfərə qədər şirkət nümayəndələrinin iştirakı ilə baş tutacaq forum ölkəmizdə insan resursları idarəçiliyinin inkişafına dəstəyi və sahə üzrə yerli kadrların daha da təkmilləşdirilməsini hədəfləyir.
3 moderator və 13 spiker “Gələcəyə dəyər” qatmaq üçün “Gələcəyin insanı”, “İstedad yoxsa təcrübə?”, “Fərqli prizma”, üzrə müxtəlif mövzuları müzakirə edəcək.
Əmək və Əhalinin Sosial Müdafiəsi Nazirliyinin Dövlət Tibbi Sosial Ekspertiza və Reabilitasiya Agentliyinin İdarə Heyəti sədrinin müavini Rəşad Məhərrəmovun moderator olduğu “Gələcəyin insanı” panelində Bakı Şəhəri üzrə Təhsil İdarəsinin müdir müavini Anar Məmmədov, “PAŞA Sığorta” ASC-nin İnsan Resursları və Daxili Kommunikasiyalar Departamentinin rəhbəri Asif Sadıqov, Bakı Ali Neft Məktəbinin rektoru Elmar Qasımov, “Kaynağım İnsan” şirkətinin HR konsultantı İpek Aral və “Consulta” İdarəetmə və Texnologiya Konsaltinq şirkətinin idarəedici partnyoru Tolga Acarlı “Sürətlə dəyişən iş mühitlərinin necə bir işçi qüvvəsinə ehtiyacı olacaq?” və “Gələcəkdə istedadlı işçilərin şirkətlərə bağlılığını artırmaq üçün necə iş mühiti qurulmalıdır?” sualına cavab axtaracaqlar.
Dövlət Neft Şirkətinə (SOCAR) məxsus “SOCAR Downstream Management” MMC-nin insan resursları direktoru Elmir Məmmədovun moderator olduğu “İstedad yoxsa təcrübə” panelində “Azərbaycan Beynəlxalq Bankı” ASC-nin insan resurslarının idarə edilməsi departmentinin direktor müavini Roman Süleymanov, “Baker Tilly Audit Azərbaycan” şirkətinin HR direktoru Təranə Qurbanova, “Veysəloğlu Şirkətlər Qrupu” MMC-nin İnsan resursları direktoru Ziya Rəcəbov iki ziddiyyətli yanaşma ətrafında fikir mübadiləsi aparacaqlar.
“Fərqli prizma” paneli UNEC/Karyera planlaşdırılması və inkişafı kafedrasının müəllimi Nərgiz Seyidzadənin moderatorluğu ilə baş tutacaq. Müasir Psixologiya Mərkəzinin rəhbəri Aidə Sübhan, yazar Aqşin Yenisey, aktyor, ssenarist Azər Aydəmir və “ROOF Academic Training” şirkətinin təsisçisi və direktoru Rüfət Hüseynzadə effektiv insan resursları idarəçiliyi metodlarını müzakirə edəcək.
Milli İnsan Resursları Forumuna bilet əldə etmək və tədbir ilə bağlı daha ətraflı məlumat əldə etmək üçün forumun rəsmi internet səhifəsinə (http://www.mirf.az) keçid edə və sosial media hesablarımızı izləyə bilərsiniz.
Facebook: https://www.facebook.com/mirfaze/
İnstaqram: https://www.instagram.com/mirf.aze/