Sukerberq “WhatsApp” əməkdaşlarını kütləvi şəkildə ixtisar etməyi planlaşdırır

ABŞ-nin “Meta” korporasiyası işçilərin yeni kütləvi ixtisarına başlamaq qərarına gəlib, “WhatsApp” və “Instagram”ın komandaları yenidən qurulacaq.

“turanın səsi ” xəbər verir ki, bu barədə “Bloomberg” agentliyi məlumat yayıb.

İxtisarlar təsisçi Mark Sukerberqin bu il İT nəhənginin səmərəliliyini artırmaq istəyindən irəli gəlir.

“Şirkət menecerlərə aprelin 19-da işdən çıxarma elanlarına hazırlıqlı olmalarını söyləyib, məlumat xidməti bildirişlə göndərilib”, – məqalədə qeyd olunub.

Bildirilib ki, ixtisarlar həmçinin “Facebook”, “WhatsApp”, “Instagram” və şirkətin virtual reallıq və qadcetlərini hazırlayan “Reality Labs” şirkətlərinin əməkdaşları arasında da aparılacaq.