Sudanda silahlı toqquşmalarda ölənlərin sayı 56-ya çatıb, 600-dək insan yaralanıb

Sudanda toqquşmalar nəticəsində ölənlərin sayı 56-ya çatıb.

“turanın səsi” TASS-a istinadən xəbər verir ki, bu barədə ölkənin Həkimlər Komitəsi bazar günü tviterdəki hesabında bildirib.

Qeyd edilir ki, toqquşmalar zamanı daha 595 nəfər yaralanıb.

Məlumata görə, təkcə Xartumda 25 nəfər həlak olub, 302 insan yaralanıb. Ölənlər arasında həm mülki şəxslər, həm də hərbçilər var.

01:25

Sudanda baş verən toqquşmalarda azı 25 nəfər ölüb, 183 nəfər yaralanıb.

“Turanın səsi ” in məlumatına görə, bu barədə “Reuters” ölkənin Mərkəzi Həkimlər Komitəsinə istinadən xəbər verib.

“Sudanın Mərkəzi Həkimlər Komitəsi ölkə üzrə toqquşmalar zamanı azı 25 nəfərin öldüyünü, 183 nəfərin yaralandığını bildirib. Onların hamısının mülki şəxs olub-olmadığını müəyyən etmək mümkün deyil”, – xəbərdə qeyd olunur.

Daha əvvəl məlum olub ki, Birləşmiş Millətlər Təşkilatının Təhlükəsizlik Şurası bazar ertəsi, aprelin 17-də Sudanda vəziyyətin gərginləşməsini müzakirə edəcək.