Finlandiyada parlament seçkilərində müxalifət qalib gəlib – YENİLƏNİB
Finlandiyada keçirilən parlament seçkilərində müxalifətdə olan Koalisiya Partiyası qalib gəlib.
“Turanın səsi ” xəbər verir ki, bu barədə ölkənin Ədliyyə Nazirliyinin məlumatında deyilir.
Qeyd olunub ki, səslərin 99,6%-nin hesablanmasından sonra Petteri Orponun rəhbərlik etdiyi müxalif Koalisiya Partiyası 20,8% səslə liderdir.
Müxalif “Əsl Finlər” 20%, hakim Sosial Demokrat Partiyası 19,9%, “Mərkəzçilər” 11,3% səs toplayıb.
Orpo artıq qələbəni və hökumət koalisiyasının yaradılması üçün digər partiyalarla danışıqlara başladığını elan edib.
Seçkilərdə məğlub olduğunu etiraf edən Sanna Marin deyib: “Demokratiya öz sözünü dedi”.
Seçkilərin rəsmi nəticələri aprelin 5-də təsdiqlənəcək.
2023-04-02 23:25
Finlandiyada parlament seçkilərində səsvermə başa çatıb. Hazırki Baş nazir Sanna Marinin partiyası parlament seçkilərində rəqiblərindən geri qalır, lakin səslərin hesablanması davam edir.
Bu barədə “turanın səsi ” “Yle” nəşrinə istinadən xəbər verir.
Marinin Sosial Demokrat Partiyası növbəti hökumət başçısı ola biləcək Petter Orponun rəhbərlik etdiyi sağçı Milli Müxalifət Koalisiyasına şərti olaraq güzəştə gedir.
Marin 2019-cu ilin sonundan beş partiyadan ibarət sol mərkəzçi koalisiya tərəfindən yaradılan Finlandiya hökumətinə rəhbərlik edir. Hazırda Baş nazir COVID-19 pandemiyasına qarşı mübarizədə uğurları və Finlandiyanın NATO-ya daxil olması səbəbindən populyar olaraq qalır.
Qeyd edək ki, yekun nəticələr aprelin 5-də açıqlanacaq. Seçkilərdə qeydə alınmış 22 partiyadan 2 424 namizəd iştirak edib. Martın 22-dən 28-dək keçirilmiş erkən səsvermə zamanı sakinlərin 39,8 faizi səsvermədə iştirak edib.