ABŞ-da qasırğa və tornado nəticəsində ölənlərin sayı artıb – YENİLƏNİB

ABŞ-da tornadoda ölənlərin sayı 11-ə çatıb, onlarla adam xəstəxanaya yerləşdirilib.

“Turanın səsi ” xəbər verir ki, bu barədə “ABC News” məlumat yayıb.

Xəsarət alanların sayına görə ilk yerdə Arkanzas ştatı gəlir. Burada 30 mindən çox sakin işıqsız qalıb, bir neçə yüz insan evlərini itirib. Səlahiyyətlilər xilasetmə işlərinə mane olmamaq üçün əhalini evdə qalmağa çağırır.

18:58

ABŞ-ın cənub və orta qərb ştatlarından keçən qasırğa və tornado nəticəsində azı 9 nəfər həlak olub.

“Turanın səsi ” CNN-ə istinadən xəbər verir ki, Arkanzas ştatında 5, İndianada isə 3 nəfər həlak olub. Daha bir nəfər isə Alabama ştatında daha bir nəfər dünyasını dəyişib.

Telekanalın məlumatına görə, azı yeddi ştatda 50-dən çox tornado siqnalı qeydə alınıb.

Bundan əvvəl 4 nəfərin öldüyü bildirilirdi.