Azərbaycanın fövqəladə hallar nazirinin müavini Kahramanmaraşa gedib

Azərbaycan fövqəladə hallar nazirinin müavini general-leytenant Etibar Mirzəyev Türkiyədə baş vermiş zəlzələ ilə bağlı qardaş ölkəyə gedib.

“Turanın səsi ” in məlumatına görə E.Mirzəyev Fövqəladə Hallar Nazirliyinin şəxsi heyətinin Kahramanmaraş şəhərində qaldığı ərazidə olub.

Daha sonra E.Mirzəyev təbii fəlakət zamanı dağıntılar olan zonaya baş çəkib.

Qeyd edək ki, Türkiyədə baş vermiş zəlzələ ilə bağlı qardaş ölkəyə gedən Azərbaycanın FHN-in hazırda 725 nəfərlik heyəti zəlzələnin fəsadlarının aradan qaldırılması istiqamətinə cəlb edilib.