ABŞ İsrailə daha bir THAAD sistemi verdi

ABŞ İranın nüvə proqramı ilə bağlı gərginliyin artması fonunda ikinci THAAD batareyasını İsrailə təhvil verib.

“turaninsesi.az” Əl-Hədas-a istinadla xəbər verir ki, “C-5M Super Galaxy” yük təyyarəsi İsrailin cənubundakı Nevatim hava bazasına eniş edib.

THAAD və ya “Terminal High Altitude Area Defense System” modern raketdən müdafiə sistemidir.

sraildə yerləşdirilən THAAD sistemi son həftələr də daxil olmaqla, Yəmən husiləri tərəfindən İsrailə atılan bir neçə raketin qarşısını almaq üçün istifadə edilib.

İlk THAAD batareyası keçən il İsrailə yerləşdirilib və “Patriot” sisteminin tamamlayıcısı sayılan, lakin 150-200 kilometr uzaqlıqdakı hədəfləri vura bilən daha geniş ərazini qoruya bilən sistemi idarə etmək üçün təxminən 100 ABŞ əsgərinin yerləşdirildiyi güman edilir.